Formatioun Animateur Brevet A

De Brevet A soll déi Jonk drop preparéieren Kanner  oder Jonker wärend  enger Fräizäitaktivitéit  (ouni Iwwernuechtung) an ënner Opsicht vun engem Verantwortlechen ze betreien. Den Animateur ënnerstëtzt  e Verantwortleche  bei enger Aktivitéit mat Kanner  oder Jugendlechen. Am festgeluechten a zäitlech  begrenzte Programm plangt a leet den Animateur eegestänneg  eng bestëmmten Aufgab.
 
Programm:
D’Ausbildung besteet aus 30 Stonnen Theorie ( vum 5. bis den 8. Abrëll 2022) an 20 Stonne  Stage, déi zu engem spéideren Zäitpunkt am Jugendberäich mussen  absolvéiert ginn.

Am Mëttelpunkt vun dëser Ausbildung stinn:

• Grondkenntnisser vun der Risikopräventioun
• Grondkenntnisser vun der Betreiung vu Kanner a Jugendlechen 
• Verantwortung vum Betreiungspersonal

 
Typesch Asazplazen:

• Fräizäitaktivitéite wärend  der Summervakanz, déi vun de  Gemengen oder Maison Relais organiséiert ginn.
• Fräizäitaktivitéiten an a mat de  Jugendhaiser, sief dat an de Vakanzen oder Weekends.

---

Eckdaten:

-> 05.04.2022 - 08.04.2022

->   Treffpunkt um 8.00 zu Beefort bei der Jugendherberg (55, route de Dillingen. L-6315 Beaufort)

-> Participatioun: 100€

-> mat 3 obligatoreschen Iwwernuechtungen an der Jugendherberg