1. WOCHNATUR & SPORT ERLIEWEN - 03/08/2021 - Präiss 10.-Een Dag um Stau ass ëmmer ee flott Erliefnis. Moies um 8:15 treffe mir eis am Jugendhaus Ettelbréck a fuere mat eisem Minibus op Lëlz. Vun do aus maache mir eis mam Kayak op de Wee op Buerfelt wou mir zesummen ee flotte Mëtte mat Spiller an der Natur verbréngen. D’Participatioun ass 10 €, du muss däin eegene Picknick matbréngen. Um 17:30 si mir zréck am Jugendhaus Ettelbréck.
GRAFFITI & PAINT SPRAY ART - 04/08/2021 - Präiss 10.-NEES 1 Plaz fäi!!! Du wolls schonn ëmmer emol léiere wéi een en Graffiti gestalt a wéi ee mat enger Spraydous ëmgeet, dann dierfs du deen Dag net feelen. Mir treffen eis moies um 9:30 zu Ettelbréck am Jugendhaus a ginn zesummen an den Hariko. Do dierfe mir moies eis Kreativitéit un eng Wand entfalen an am Nomëtteg léiere mir wéi ee mëttels Graffitidousen ee Bild um Pabeier moolt. An der Mëttesstonn stäerke mir eis mat enger leckerer Pizza. D’Participatioun fir de flotten Dag ass 10 €, d’Pizza ass am Präis mat dran. Um 16:00 si mir rëm am Jugendhaus Ettelbréck.
KAJAK & STAND UP PADDLE - 06/08/2021 - Präiss 10.-NEES 2 Plaze fäi!!! Um 8.30 treffe mir eis zu Dikrich op der Gare, vun do aus fuere mir zesumme mat eisem Minibus op Lëlz. Moies wäerte mir de Stau mam Kayak erfuerschen a Mëttes sti Spill a Spaass mam SUP um Programm. Mir stäerken eis mat engem gudden Iessen an der Jugendherberge. Um 18:15 si mir zréck zu Dikrich op der Gare. D’Participatioun ass 10 €.
NoJu- DART TOURNOI - 07/08/2021 - gratisOp Profi oder Ufänger, beim NOJU-Darts-Tournoi ass jidderee wëllkomm. No de klassesche Reegele vum Dart maache mir ee klengen Tournoi. Mir erklären dir d’Reegelen an hëllefen dir deng Technik ze verbesseren. Den Tournoi fënnt zu Ettelbréck am Jugendhaus statt an dauert vu 14:00 bis 17:00. D’Participatioun ass gratis.
2. WOCHCHILL & GRILL UM STAU - 09/08/2021 - Präiss 3.-AUSGEBUCHT. ASCHREIWUNG = WAERDELËSCHT!!! Um 10:00 treffe mir eis am Jugendhaus Ettelbréck a fueren zesumme mat eisem Minibus op de Stau. Zu Léifreg op de Plage loosse mir eis et da gutt goen: chillen, spillen, grillen an natierlech schwamme steet um Programm. Fir 17:30 si mir rëm zu Ettelbréck am Jugendhaus. D’Participatioun ass 3 €.
EUROPAPARK - 10 & 11/08/2021 - Präiss 100.-AUSGEBUCHT. ASCHREIWUNG = WAERDELËSCHT!!! Dënschdes den 10.08 treffe mir eis um 6:00 am Jugendhaus Ettelbréck, vun do aus fuere mir zesumme mat eisem Minibus an den Europapark. Do waarden iwwer 100 Attraktiounen op eis: déi gréissten Achterbunn vun Europa de "Silver Star", eng Rees duerch de Weltall mat Eurosat, Waasserbunnen, Länner-Themeberäicher an nach vill méi. Zwee Deeg Spaass am Park mat enger Iwwernuechtung an engem Hotel ausserhalb vum Park. D’Participatioun ass 100 €, Iessen a Gedrénks sinn am Präis mat abegraff. Mëttwochs Owes si mir rëm fir 20:00 am Jugendhaus zu Ettelbréck.
Momentan ginn et keng weider Restrictioune fir an de Park. Et ginn och keng Tester oder ähnleches gefrot. Et muss ee sech awer weider un di üblech "Gestes Barrières" halen. Vu dass d'Situatioun sech zu all Moment nees kann änneren, hale mir Iech ëmmer um aktuellste Stand. ADVENTURE "KUELSCHEIER" 12/08/2021 - gratisUm 13:00 treffe mir eis am Dikricher Jugendhaus,wou mir eis mat eisem Minibus op de Wee maachen. Eng kleng Wanderung zu Konsdref vun 3,5 km duerch enk Fielspassagen: „Rittergang“ an „Déiwepëtz“. Highlight ass déi iwwer 100 m laang an däischter Fielsspléck „Kuelscheier“. Als Ofschloss ee Picknick (deen’s du selwer matbrénge muss), Fotoen a Chille bei der Kallektufquell! Fir 18:00 si mir rëm zréck am Dikricher Jugendhaus. D’Participatioun ass gratis.
"GROTTES DE HAN" - 13/08/2021 - Präiss 25.-AUSGEBUCHT. ASCHREIWUNG = WAERDELËSCHT!!! Um 8:00 treffe mir eis beim Jugendhaus Ettelbréck, vun do aus maache mir eis zesumme mat eisem Minibus op de Wee (Belge). Moies maache mir eng kleng Safari wou mir de „Big Five“ vun Europa beobachten. No enger Stäerkung an der Mëttesstonn gi maache mir eis an den éischten UNESCO Global Geopark a kréien ee guidéierten Tour duerch d’Grotten. Fir 18:00 si mir rëm am Jugendhaus Ettelbréck. D’Participatioun ass 25 €, Iessen an Drénken ass am Präis inclus.
|
3. WOCHVEINER SCHLASS - 16/08/2021 - Präiss 10.-Um 13:00 treffe mir eis Dikricher Jugendhaus, vun do aus maache mir eis zesummen an eisem Minibus op Veianen. Hei kréie mir eng guidéiert Visitt duerch d’Schlass. Bei enger Visitt vu Veianen dierf een Tour mam Sessellift natierlech net feelen. Ofschléissend genéisse mir eis dann nach eng lecker Glace mat enger flotte Vue iwwer Veianen. Fir 19:30 maache mir eis da rëm zréck op Dikrich. D’Participatioun ass 10 €.
FRISBEE-GOLF - 17/08/2021 - Präiss 9.-De Frisbee-Golf gehéiert scho bal zu den NOJU-Klassiker. Um 13:00 Treffe mir eis Dikricher Jugendhaus, vun do aus fuere mir zesummen an eisem Minibus op Buerglënster. No enger flotter Ronn Frisbee-Golf duerch de Bësch loosse mir eis ee gudde Burger vum Lou’s Dinner zu Beidweiler maachen. Um 19:00 si mir rëm zréck em Dikricher Jugendhaus.
MOUNTAINBIKE-CAMP - 18, 19 & 20/08/2021 - Präiss 75.-Op Ufänger oder Profi, hei kënnt jiddereen op seng Käschten. Mëttwochs treffe mir eis um 8:00 zu Dikrich op der Gare a fueren zesumme mat eisem Minibus op Lëlz. Du brauchs weder e Vëlo nach een Helm, mir suerge fir dat passend Ekipement. Vun Kette wiesselen, Pneu flécken iwwer Technik üben, ass alles gebueden. Natierlech profitéiere mir och vum Stau a verbréngen och ee gemittlechen Nomëtteg um SUP. Mir iwwernuechten an der Jugendherberge zu Lëlz. Freides maache mir dann ee groussen Tour mam Mountainbike mat Picknick ier mir eis fir 18:00 rëm zréck ob Dikrich maachen. D’Participatioun ass 75 € fir déi dräi Deeg, Iessen, Iwwernuechtung a Material ass am Präis mat dran.
HEICHSEELGAART - 21/08/2021 - Präiss 15.-AUSGEBUCHT. ASCHREIWUNG = WAERDELËSCHT!!! Mir treffen eis um 13:45 zu Dikrich am Jugendhaus, vun do aus fuere mir zesumme mat eisem Minibus op Diddeleng an den Héichseelgaart eis Limitten testen. De Kloterpark besteet aus 7 Parkoure fir all Schwieregkeetsgrad a bis zu 17 Meter Héicht! Professionell geséchert geet et iwwer Netzer, Seelrutschen, Hängebrécken, Monkeytree…fir jiddereen*t ass eppes dobäi! Um 18:00 si mir da rëm zu Dikrich am Jugendhaus. D‘Participatioun ass 15 €.
4. WOCH"DOBAUSSEN DOHEEM" - 24 & 25/08/2021 - Präiss 10.-Dënschdes moies treffe mir eis um 10:00 zu Ettelbréck am Jugendhaus. Mir starte mat engem flotten Hike duerch de Bësch vun Ettelbréck op Colmer. Weider geet et mam Opbau vun eisem gemittlechem Zeltlager, zesumme Grillen, Spillen a Spaass hunn. No enger Nuecht am Zelt an engem gudde Frühstück fuere mir zesummen op Dillingen wou mir zu 2 & 2 a Kanuen op Iechternach schipperen. Mëttwochs komme mir da fir 18:00 zréck an d’Ettelbrécker Jugendhaus. D’Participatioun ass 10 Euro. De Picknick fir d’Wanderung muss du selwer mat bréngen.
KARTING - 26/08/2021 - Präiss 20.-AUSGEBUCHT. ASCHREIWUNG = WAERDELËSCHT!!! Mir treffen eis um 9:00 op der Gare zu Dikrich, vun do aus fuere mir zesummen op Monnerech. Hei hunn mir de ganze Moies d’Kartingpist fir eis eleng. No 2 Ronnen dierfen déi 8 beschte Fuerer sech an enger Final beweisen. Dono fuere mir an d’Jugendfabrik Déifferdeng wou déi Jonk vun der JUDIFF eise mat engem flotte Mëtteg iwwerraschen. Fir 18:30 komme mir dann zréck op Dikrich op d’Gare. D’Participatioun ass 20 €.
FLOOSSBAU - 27/08/2021 - Präiss 6,5.-Um 9:00 treffe mir eis zu Dikrich op der Gare, vun do aus fuere mir zesumme mat eisem Minibus op Lëlz. Moies marschéiere mir zesumme bis op d’Panoromaplattform „Belvédère“ op Buerfelt, ënnerwee sti flott Spiller um Programm. Mëttes baue mir een eegent Flooss an erfuerschen de Stau vum Waasser aus.
WAKEBOARD & WAASSERSKI - 28/08/2021 - Präiss 20.-AUSGEBUCHT. ASCHREIWUNG = WAERDELËSCHT!!! Um 7:00 treffe mir eis zu Dikrich op der Gare, vun do aus fuere mir zesummen op Riol (bei Treier) hei kréie mir ee professionelle Wasserskikur um Kabel. All Sécherheetsmaterial kréie mir op der Plaz. Mëttes düse mir mat der „Sommerrodelbahn“ de Bierg erof a chille beim Séi. Fir 17:00 komme mir zréck op Dikrich. D`Participatioun ass 20 €. Däin Picknick muss du selwer mat bréngen.
|