DENG MEENUNG ZIELT
De Schäffen a Gemengerot vun der Gemeng Bettenduerf ass sech bewosst, dat déi Jonk an eiser Gemeng e wichtege Bestanddeel vun eiser Gesellschaft sinn. Mir sinn eis och bewosst, dat déi lëscht Méint wärend der Pandemie fir déi Jonk, fir eech net ganz einfach waren, an dir mat ville Restriktiounen hutt misse liewen. Dir konnt eech net méi sou fräi beweege wéi virun der Pandemie, dir konnt Är Frënn a Kolleegen net méi sou gesi wéi gewinnt, vill Sportsaktivitéite konnten net méi stattfannen, oder wann, da just restriktiv ...
Zesumme wëlle mir awer lo no vir kucken. Mir wëllen, dass Du dech wuel fills an eiser Gemeng. Mir wëllen dofir wësse wat deng Iddi’en sinn a wéi’s DU dir eis Gemeng an den nächste Joer’en virstells. Wat feelt nach an der Gemeng fir déi Jonk.? Wéi kënne mir den Dialog mat de Jonke verbesseren? Wat läit dir soss nach um Häerz? Wat kënne mir besser maachen? Komm an diskutéier mat eis an engem interaktive Workshop an hëllef mat der Gemeng fir d’Zukunft ze gestalten. Mir freeën eis op dech an den Austausch mat dir.
