KACHCONCOURS - HALLOWEEN EDITION

Mir si frou Iech all dierfen op eng weider Editioun vun eisem Kachconcours ze invitéieren.  Et ass dëst Joer di 24. Editioun, déi stattfënnt. Anescht wéi di Jore virdrun, fënt eise Kachconcours awer nët am Fréijoer statt mee mir sinn dëst Joer mat enger Halloween Editioun um Start; dëst wéinst deenen dach schwierege Konditiounen, déi mir all di leschte Méint  haten.

Natierlech wärte mir all sanitär Mesüren respektéieren, an dofir suerfen, dass och dës Editioun zu engem grousse Succès gëtt.:

- Rezepter nokachen
- en eegen Menü op d'Bee stellen
- ënnert professioneller Leedung kachen
- mat senge Kolleegen zesummeschaffen
- ...
an einfach e flotten Dag zesumme verbréngen, dat ass alles dat wat de Kachconcours duerstellt. 

Eng Equipe besteet aus minimum 2 an maximum 3 Jonken am Alter tëscht 14 a  26 Joer. Op Jugendhaus oder Kolleegen, all Konstellatioun ass wëllkomm. 

De geneeën Oflaf an d'Detailer kommen nach no :)

FAQ

Umellen

SANITÄR MESÜREN

AKTUELL SI KENG PLAZE MEI FRÄI!

Jidereen, deen deen Dag op de Kachconcours kënt, muss SUR PLACE e Schnelltest maachen, dee mir zur Verfügung stellen.  (Participanten , Begleeder a Visiteuren) . Aanescht accordéiere mir keen Accès. 

Réicht wann en negativt Resultat virläit dierf een eran.  Obwuel mir just 10 Equipen unhuelen, deele mir d'Equipen op 2 Kichen op. Sou kënne mir méi Distanz garantéieren. 
Zudeem géife mir iech all bieden, reegelméisseg d'Hänn ze wäschen an ze desinfizéieren.  

TIMETABLE

14.00 Ukomme vun den Equipen
                         Duerchféieren vu Schnelltester (soulaang wéi keen negativen Schnelltest virläit MUSSE Masken gedroe ginn)

14.30 Wëllkommenswuert, Erkläre vun de Reegelen, Opdeelen an di verschidde Kichen

15.00 Ufank vum Concours

16.30 Paus

17.00 2ten Deel vum Concours

19.00 Zervéieren vun der Entrée

19.30 Zervéieren vum Haaptplat

20.30 Zervéieren vum Dessert

21.00 Präissiwwerreechung